گایپ ین قادینلار قولونون دونیا قادینلار گونو
موناسیبتیله بیلدیریشی
بیرلشمیش میللتلر طرفینده ن 1977 ایلینده اعلان ائدیلن 8 مارت دونیا قادینلار گونونون گئچمیشی، بیرچوخ قادین فابریکالاردا و تولیدی یئرلرده چوخ آز حقوق لارلا و چتین شرط لرده چالیشدیریلدیغی 1800 ایل لری زامانلارینا قاییدیر.
ایلک کز 8 مارس 1857 ده نیویورک دا یاشایان بعضی ایشچی قادینلار ایش یئرلرینده کی دوروملارینا و وضعیت لرینه اعتراض ائتمک اوچون ییغیشدیلار.آز اجرت وچالیشمالارینین پیس شراییطی نی دوزلتمک اوچون اعتصاب ائله دیلر.بو اعتیصاب پلیسین مداخله سیله سونا چاتدیریلدی.
پلیس ین مداخله سی نتیجه سینده چیخان یانقیندا 140 ایشچی قادین یاشامینی ایتیردی.قادین ایشچی لرین جنازه تؤره ن ینه 100 مین ده ن چوخ اینسان قاتیلدی.بونا گؤره ده مارس ین سگگیزی " دونیا قادینلار گونو " اولاراق اؤنریلدی. و بو اؤنری و پیشنهاد 1977 ایلینده بیرلشمیش میللتلر تشکیلاتینین گنه ل مجمعینده قبول اولوندو.بوگونوموزده گونئی آذربایجان قادینلاری، ایران آدلانان اؤلکه ده، ازیله ن، تحقیر اولونان، اینسان یئرینه قویولمایان و هرجور حاقلاری آچیقجاسینا غصب اولونان و تانری نین اونلارا باغیشلایان کیشی لرله ائشیت و برابر حاقلاری زورلا اللرینده ن آلینان دوروملاری دونیا افکار عمومی سینه غایت آچیقدیر.البته بو اؤلکه ده بوتون قادینلار، تورک،فارس و یا هر هانسی بیر میللت ده ن اولارلارسا اولسونلار آغیر بیر آیریمجیلیقا و تبعیض ه معروض قالیبلار آمما بو آرادا تورک خانیملار هم قادین اولماقلارینا گؤره،هم ده تورک اولدوقلاریندان دولایی نئچه قات آرتیق بو باسقیلارا معروض دیرلار.
.بو گون ایران آدلانان اؤلکه ایشغالی آلتیندا اولان آذربایجان قادینلاری،
یعنی بو ایکینجی سیرالاماداکی قادینلار زوراکیلیقلارا و آیریمجیلیقلارا قارشی بؤیوک بیر مجادله آپارماقدادیرلار.
.البته گونئی آذربایجان میللی حرکاتی نین قادین لارینین بوینوندا هر شئی ده ن اؤنجه بیر بؤیوک یوک دوشور واودا بو کی گونئی آذربایجانیمیزدا اولان مظلوم قادینلارین آغیر دوروملارین و کسیلمیش سسلرین داها دا گوجلو اولاراق دونیایا یئتیشدیرسینلر.
گونئی آذربایجان ایستقیقلال پارتیسی ، قادینلار گونو مناسبتیله دونیا اؤرگوتلرینده ن و کامو اویوندان ایسته ییر کی بو وضعیتی نظرده آلاراق اویغون عکس العمل لر گؤسترسینلر.
و هابئله گایپ ین قادینلار قولو آدیله "دونیا قادینلار گونونو" نه اولورسا اولسون قادین اولماقیمیزا گؤره یاشانان چتین لیک لر و سورونلاری دیله گتیریلمه سی اؤزه ل و مخصوص بیر گون کیمی،بوتون میللی حرکتیمیزین خانیم فعال لارینا و هابئله گونئی ده بوتون قادینلاریمیزا تبریک ائدیریک.سیزده یاشادیغینیز سیخینتیلار نه اولورسا اولسون، قادین اولمانین وئردییی غرورلو موتلولوغونو ایچینیزده حیس ائدین، نه اولورسا اولسون حاقلاریمیز اوچون آنالاریمیز سایاغی ساواشیب و مستقیل آذربایجانیمیزدا بوتون حاقلاریمیزا چاتیب، اؤزگه لرین بیزه تحمیل ائتدیی جینسه ل فرق لری بیر قیراغا آتیب تورک قادینی کیمی آزاد اولاجاغیمیزدان امین اولون و قادین گونو آذربایجان قادینلارینا، گله جه کده، باغیمسیز و مستقیل آذربایجانیمیزدا، داها اومیدلی و ائشیت حاقلارلا اولدوغونو دوشونون و گولومسه یین...
قادین گونونوز قوتلو اولسون
گونئی آذربایجان ایستیقلال پارتیسی نین قادینلار قولو سوروملوسو
نسرین قاراداغلی
یازینین آردین بوردا اوخویون
.
وضعیت فعالین سایر حرکت های برابری طلب و آزادی خواه همچون هویت طلبان، معلمان، پرستاران، و نیز فعالان کارگری بعضا بسیار دل آزارتر از این هست. در آذربایجان جوانان متعهد آن مرز و بوم، شورمندانه و با جدیت کامل، احترام به فرهنگ و زبان ملی خود را طلب می کنند و حق برابر در آموزش و تحصیل و برخورداری از امکانات برابر فرهنگی در سراسر کشور را فریاد می زنند. شگفتا صدای آنان نه تنها در میان حاکمان بلکه حتی در میان روشنفکران مرکزنشین ، رسانه ها و فعالین دانشجویی که - خود را دیده بان جامعه مدنی می خوانند - نیز شنیده نمی شود و اگر حکومت اعتراض آنها را با زندان و تبعید پاسخ می گوید فعالان جامعه مدنی و ارباب جراید و رسانه ها و احزاب نیز با سکوت خود به همراهی و همدلی در تداوم نابرابری ادامه می دهند، و چنین است که عبدالله عباسی به جرم خواندن فاتحه، همسایه عالیه و ساکن اجباری اوین می شود و پنج جوان دیگر در اردبیل منتظر پنج سال حبس، در تبعبد می مانند.